қазақстан республикасы қарулы күштерінің әскери академиясы

КСРО Жоғарғы Кеңесі Президиумының қаулысы негізінде КСРО Қорғаныс Министрінің 1970 жылғы 19 желтоқсандағы бұйрығымен Алматы жалпыәскери училищесі құрылды. 1973 жылдың 19 шілдесінде училищеге КСРО Жоғарғы Кеңесі Президиумының Жарлығымен "Кеңес Одағының маршалы И.С.Конев атындағы Алматы жоғары жалпы әскерлік командалық училищесі" атауы берілді.

1997 жылдың 11 ақпанында білікті офицер кадрларын дайындау жүйесін жетілдіру мен әскери ғылымды дамытуға жағдай жасау мақсатында ҚР Президентінің Жарлығымен Кеңес Одағының маршалы И.С.Конев атындағы Алматы жоғары әскери училищесі ҚР Білім және мәдениет министрлігінің 1997 жылғы 28 тамыздағы "ҚР Қарулы Күштері әскери академиясының адъюнктурасын ашу туралы" шешіміне сәйкес "Қазақстан Республикасы Қарулы Күштерінің әскери академиясы" болып өзгертілді. 2000 жылдың соңында ҚР Қарулы Күштерінің әскери академия-сы 6696 офицер дайындап шығарды.